“ዜጎችን ራቁታቸውን በመጣል በጉንዳን እንዲበሉ አድርገዋል ” ( የፖሊስ የምርመራ መዝገብ )

በቀድሞው የብሄራዊ መረጃና ደህንነት አገልግሎት ምክትል ሀላፊ እና የፌደራል ፖሊስ ኮሚሽን ኮሚሽነር ጀነራል በነበሩት የአቶ ያሬድ ዘሪሁንን ጉዳይ ለማየት የተሰየመው የከፍተኛው ፍርድ ቤት ችሎት ጉዳዩን ለማየት ተጨማሪ ቀጠሮ ሰጠ
በትናንትው እለት ወደ ኬንያ ለመሸሽ ሲሞክሩ በፌደራል ፖሊስና በኦሮሚያ ፖሊስ ክትትል በቁጥጥር ስር የዋሉት
ተቶ ያሬድ ዘሪሁን ዛሬ ለሁለተኛ ቀን ፍርድ ቤት ቀርበዋል ።
በዚሁ ወቅት ፖሊስ በተከሳሹ ላይ ባቀረበው የክስ ማመልከቻ አቶ ያሬድ ዘሪሁን አሁን በቁጥጥር ስር ካልዋለው የቀድሞ የብሔራዊ መረጃና ደህንነት አገለግሎት የቀድሞ ኃላፊ ጋር በመተባበርና ቀጥተኛ ትዕዛዝ በመቀበል በዜጎች ላይ ከፍተኛ የሰብዓዊ መብት ጥሰት ፈፅመዋል ፡፡ በዚሁም መሰረት
በዜጎች ላይ አፈና በማካሄድ ፡ ብልታቸው ላይ ውሃ በማንጠልጠል ራቁታቸውን ቆሻሻ ውስጥ በመጣል ጉንዳን እንዲበሉ አድርገዋል በተፈፀመባቸው ድብደባም ለብዙዎች ህይወት እንዲያልፍ አድርገዋል

ሆን ብለው ያዘጋጇቸውን ሰወች ወደ ኤርትራ ሰርገው ህገወጥ መሳሪያ እንዲያስገቡ በማቀነባበር ህዝብ እንዲሸበር ይህም በተጠርጣሪዎች ላይ እንዲሳበብ በማድረግ ወንጀል እንደሚፈልጋቸው ለፍርድ ቤቱ ገልፆ ለተጨማሪ ምርመራ የ14 ቀን ቀጠሮ እንዲሰጠው ፍርድቤቱን ጠይቋል ፡፡
ሆኖም ተከሳሹ ከህግ አማካሪያቸው ጋር መገናኘት እንደሚፈልጉ በመግለፅ ለሚቀጥለው ማክሰኞ ቀጠሮ ይሰጠኝ ሲሉ ፍርድ ቤቱን በመጠየቃቸው ፍርድ ቤቱ ተቀብሎ ለመጭው ማክሰኞ ቀጠሮ ሰጧል ።